رومانسية ولمسات اللون الاحمر فى ديكور المنزل

اللون الاحمرودرجاته لون بيخطف الانظار والقلوب.............لون ممتع مثير لون الورد الاحمر....... رمز الحب الرومانسية والناروالاثارة .........و زى كماهو بيخطف القلوب فى الحب برده بيخطف النظزفى الديكور .....لون شرقى عميق مثير بيخلى المكان كله حيوية واثارة  .........بس برده لازم نفهم ان الزيادة بتقلب ضده ........اجمل استخدمات ليه انه يكون مع الوان هادئة  محايدة زى درجات البنى والبيج والرمادى والابيض ومش ننسى ان اللون الاحمر بيحب الاضاءة الخافتة والدافية ونبعد تماما عن الاضاءة البيضاء وهنتكلم عن الاضاءة بعدين بتوسع....... واوصى اننا مش نستخدمه فى الوان غرف النوم بشكل مفرط لانه لون مثير فى الوقت الى نحتاج الى الوان هادئة لكنه لون الرومانسية نقدر نطعم بيه الغرف فى كرسى او اكسسوار او مجموعة حوائط بشرط كسر اللون بمجموعة الوان اخرى وعلى العكس تماما اللون الاحمر بيبقى حلو فى عرف الاطفال لان طبيعتهم كلها حيوية واثارة ........ وديه مجموعة من الصور بتوضح ازى نتقدر نستخدم اللون الاحمر ودرجاته ومستنية مشاركتكم معايا .........

سبع اسرار لمطبخ ذكى واخر شياكة

مطبخنا اهم حاجة للست المصرية تقريبا بتقضى فيه نصف حياتها ....ده لو مكنش معظم حياتها .......مطبخنا بيشارك لحظات سعادة حزن ذكريات كتيرة .........من حق كل ست يبقى مطبخها تحفة شيك وتلاقى كل حاجة مترتبة فيه ..الاحلام كتيرة والكتالوجات اكتر وصور المطابخ الوهمية الخيالية ملاية النت ........بس للاسف نجى ننفذ مش بيطلع ابدا مطبخ حلمنا وطبعا النجار او معرض الموبليا عندهم الرد جاهز اصله كده الصح يا فندم والمهم الخشب ......الخ وكل طلب بفلوس وحضرتك مش قولتى من الاول ..كفاية رغى ستات خلينى النهاردة اقول ليكم على اسرار تصميم المطبخ وهنركز على المطابخ الصغيرة النهاردة لانها اصعب بكتيير من الواسع
واليكى خطوات تنفيذ وتصميم المطبخ:
1- اول خطوة نجيب ورقة ونكتب كل حاجة عايزين نحطها فى المطبخ زى الخزين الحلل وعددها بالتقريب وكل صغيرة وكبيرة علشان نعرف اعدادها قد ايه ومحتاجين اماكن ليها قد ايه .
2- السر الخطير للمطبخ شيك ومنظم فيما عدا اماكن تخزين الاكواب والاطباق اننا نبعد عن استخدام الرفوف فى الوحدات السفلى لان عمقها بيبقى كبير ومش بنعرف نستخدمها كويس وبديل ليها الادارج العميقة و السلة الدوارة والسلات بتاخد حاجات كتيرة جدا وسهلة فى الاستخدام.
3- الوحدات العلوية ممكن نستفيد بارتفاع عالى فيها مش تبقى ارتفاعها صغير الارتفاع الى معروف دايما 60 سم لكن الاحسن والاشيك دلوقتى 80 او متر وممكن لو المكان صغير ممكن توصلى للسقف
4- وحدة تخزين المون للاكل مهم جدا يكون عندنا مكان تخزين اما دولاب او وحدة عمقية اعلى التلاجة
5- استخدمى اكسسوار مواسير تعليق لتوابل او روفوف فى الاماكن الفاضية او المهملة ودايما احرصى ان الرخامة فاضية علشان تقدرى تبدعى فى المطبخ
6- احرصى على وضع مكان للزهرية صغيرة او نبات فيه الوان متنوعة .
7- اهتمى بتوزيع الاضاءات فى المطبخ زى الاسبوات والليد لان ده بيضيف جمال للوحدات غير الراحة النفسية .

ديكور غرف الاطفال حلقة (2)

النهاردة هنعرض افكار مختلفة للغرف الاطفال بسيطة وغير متكلفة وتستطيعون تنفيذها بنفسكوا بالذات الخيم ......والنوموسية واكيد دولابيب الاطفال من وحدات المكاتب الى سبق اننا شرحنها بالتفصيل .........وخلينا المرة ديه استنى ارائكم وافكاركم

ديكور غرف الاطفال حلقة (1) المكتبة

الاطفال حياة وشقاوة وبسمة ....الوانهم ولبسهم غيرنا .....بيحبوا البهجة فى كل شيء .......غرفهم مميزة فى الوانها فى تصميمها .........بس كتير منا بينسى شيء مهم فى تصميمها بذات فى غرف البيبى الى دايما بتقصر على السرير والدولاب ولعب دهانات وبس!!!!!!!!  لا فى حاجات مهمة جدا زى ايه يا ترى؟؟؟ هو البيبى بيحتاج حاجة تانية ؟؟؟؟؟؟؟؟ ...............اكيد طبعا حاجات مش حاجة اهمها المكتبة!!! ........مكتبة ورفوف ..... اكيد هتسألوا ليه ؟ مش لما يرحوا المدرسة نبقى نعمله مكتبة ؟؟؟؟............. صح اكيد هتقولوا كده ..........بس احنا هنجواب فى الصور شوفوها وانتوا هتعرفوا الاجابة ....بس معلومة صغيرة البيبى والطفل فى مرحلة قبل الحاضنة بيستكشف ويستوعب كل حاجة حوليه واحنا باهتمامنا بتفاصيل غرفته الى منها المكتبة بنغرس فى الطفل اهمية النظام بيها وبنعمله الترتيب سواء للعبه او لكتبه لانها غرفة البيبى او الطفل هي مدرسته الحقيقية......