قبل ما تفكر تدهن بيتك .....طقطق ودانك واسمعنا كويس

الديكور فن جميل بس للأسف تنفيذ الفن ده محتاج عمال ذو تنقية خاصة و اغلبنا مش يقدر يوصل للمختصين من العمالة ديه علشان كده قررت أقول ليكوا على اسرار المهنة بعد حلقات كل قسم وبأما اننا خلصنا فقرة الالوان ديه نصائح مهمة لو انت عايز دهانك يطلع زى الكتالوج

النصيحة الذهبية الاولى :

لا تقع فى مطب النقاش .........ابعد عن كلام النقاش وابداعاته  وبرده بتاع محل الدهانات عن خبرة كتيرة الاثنين بينتهوا بكوارث وتنهى يا اما البيت ابيض او بيج وكل احلامك والكتالوجات الى انت اختارتها تنتهى الى الريسكل بن

يوميات النقاش فى مصر بيقول دايما يا باشا انا فنان هعملك احلى شغل ومؤثرات تحفة ولو انت لقيت عيوب وهو بيشتغل يا باشا يا هانم ده عيب المحارة ولو مش عيب المحارة الشغل كده مش ينفع انا مش اتفقت على كده والزيادة فى الفلوس تبتدى فى التمام والتاخير التمام فى التسليم والطلبات الى مش بتنهى للغاية ما تزهق وترفع الراية البيضا

اما محلات الدهانات للاسف معظم الناس فيها بائعين وبس يعنى الافضل لو انت جايب خامة اجنبى بالذات تقرأ المكتوب عليها وتدخل على الويب علشان تعرف ازي بستخدم .

ديه قواعد العمل هنا فى مصر حبيت اوعيكوا الاول علشان نعرف ننفذ الى عايزونه.

نصيحة ذهبية ثانية :

اوعى تختار الوان لعب او كارتون الالوان الصريحة الزاهية بزيادة زى الفشيا والفسفورى والاخضر الزرعى ديه مش بنتطلع حلوة ابدا لازم تكون الالوان  مش زاهية الالوان تكون هادية الا فى غرف الاطفال براحتك.

النصيحة الثالثة اكتشف الوان ديكورك من الوان فصول السنة:

كل واحد بدون ما يدرك روحه بتحب الوان معينة........انا مثلا بحب الوان الربيع جدا وشكل الورد والوانه بحس براحة لما الاقى اشجار الشوارع امتلأت ورود ملونة لما اللون البنى يبقى مع الاحمر .............الخلاصة انتوا تحبوا ايه فصل السنة الى بتحبوا خلى دايما الوانه هى الوان الديكور فى المنزل وللمزيد من الاستفادة تفاصيل الوان الفصول فى اللينك التالية:

الوان ديكورك من الوان فصول السنة

   الوان الخريف لديكور دافى وحيوى   

                                                 

       الوانك ديكورك من سحر الربيع 

    الوان الصيف للمحبين الوان الشرق  

  

         

    الوان الشتا للمحبى الالوان الهادئة        

l

ديكورك بسحر الفرانكو عرب

بتحب الديكور العربي ؟؟؟؟؟؟؟؟؟ بتعشق الوانه فنه الفريد المتميز بتحس انك فى مصر فى خان الخليلى فى الشام القديمة ........اد ايه الديكور ده تحفة ...............المشربيات شغل الخشب الاربيسك الجلود النجف النحاس التطريزوالسجاد اليدوى الزجاج الملون..الخ  .........وووووووووووووا بجد ..............بس يا ترى الديكور ده بيليق مع بيوتنا الايام ديه ؟؟؟؟؟؟؟؟........يعنى اكترنا الايام بنشترى الاثاث المستورد ومعظم الموديلات بتميل الى المودرن والامريكان فرنتيشر ..........,ومعظمنا فكرة الديكور العربى تعنى قعدة عربى الى مش مناسبة للبيوتنا الايام ديه .........طيب ايه ازاى الحل ............الحل ببساطة نقدر نطعم اثاثنا بقطع من الديكور العربى الى جنب الديكور الاوربى او الامريكى نخلق جو فرانكوعرب...........ايوون شوفوا الصور ديه وخيالكوا هينطلق للافكار مبتكرة ومش تنسوه ان سعر قطع الديكور العربى  رخيصة بالنسبة الى قيمته الى تساوى اكتر بكتيير من سعره الى ممكن تشتريه بيه يعنى فكر جديد وتوفير اكتر ونقدر نشتريه من منطقة الغورية والخيامية وخان الخليلى ونتفسح كمان ونقعد على الفيشاوى بالمرة .......واحب اقول ليكوا على حاجة يا ريت نبعد تماما عن شراء اللوحات الصينية والهندية لان بتقلل من قيمة الديكور بعكس مشغولاتنا العربية لانى بلاحظ ان فى خلط فى الافكار بين الشغل العربى وبينها بس للاسف هى بدون قيمة نهائية بالاضافة ان الوانها رديئة جدا وبس ................وتابعوه حلقاتنا عن ديكور الفرانكوعرب للمزيد من التفاصيل عن كل قسم منه.....

الوان الصيف للمحبين الوان الشرق

الوان الصيف لون الشمس مع البحر مع الرملة الصفرا .........هى الواننا الوان الشرق الخلاب  روح التراث جو خان الخليلى والقعدة العربى .........الوان الخيمة العربى الوان الشيشة والزجاج الملون والسجاد العربى من اجمل مجموعة الوان فى العالم كله واكتر مجموعة تليق مع بيئتنا بالذات فى الواجهات الخارجية.........

الوان الشتا للمحبى الالوان الهادئة

للمحبى السكون والراحة مجموعة الوان الشتا هي غايتك .....الوان هادية درجاتها بتميل الى درجات الرمادى بتفكرك بالشمس وهى غائبة دايما والغيام والسحاب والدنيا بتمطر جو ليه سحره .........بعدها بنلاقى الجو بقى صافى جدا ولون السحاب ابيض والسما لبنى على رمادى ...... كل الوان الشتا هادية جدا وبيدخل معها الالوان الغامقة  ........... اقرب درجات ليها هى درجات الفرو من الابيض والبنى والاسود والرمادى .........