افكار مبتكرة للترتيب الملابس والاكسسوارات

مين فينا يا ستات .........مش عندها مشكلة فى ترتيب دولابها ......مين فيها مش عارفة ترص لبسها وتفرج عليه كويس غير الاكسسورارت والجزم والشنط واه من الشنط والجزم .......مش عارفين نلاقى مكان ليهم كله فوق بعض وبنسى كتير حاجات منهم او بنلاقى من كتر التخزين الجلود قشرت ........لا كمان المكياج مشكلة مش عارفين نحطه صح .....مفيش اضاءة ممكن ندخل الحمام علشان نعدل المكياج ...........وليه العذاب ده ........طبعا رد الراجل انكم بتشتروا حاجات كتير .......وفروا بقى كفاية صرف .......احب اقولكوا يا ستات ان ده شىء طبيعى واحنا لو حسبتوه كام قطعة من الملابس بنلبسها فى المرة غير المكياج والشنطة هتلاقوه ان لازم يكون عندنا حاجات اضعاف الراجل ..........علشان كده قررت اساعدكوه بافكار مبتكرة فى ترتيب الاكسسوار والشنط والملابس وخلافه .........بس تابعونا ومستنيه ارائكوا معايا

ستائرك بشكل جديد

مليت شكل ستايرك القديم ...........مش عارف تلاقى اكسسوار ملائم ..........زهقت من الاستيل القديم الى تقريبا (copy &paste) فى كل بيوتنا.....عايز حاجة جديدة  ومش عند جارك الحل بسيط جدا .........أكسر الرتابة والملل وغير شكل ستايرك القديمة بافكار جديدة ومش تخطر على بال حد تانى............ كون مبتكر وفكر انت فى فكرة جديدة واحنا هنساعدك شوف الافكار ديه وقولوا لينا رأيكوا ايه فيها ؟؟؟؟؟؟؟؟.........وقبل ما انسى دايما خلى للستارة علاقة بالمكان بمعنى انها تكون لايقة مع ديكور المكان والوانه وعن خبرة كل ما تكون بسيطة وبخامات كويسة كل ما تكون اشيك ..........

وحدة رفوف ايكيا (kallax) باستخدام مبتكر (حلقة1)

حد يتخيل ان ديه وحدة رفوف ايكيا المكتبية الاقتصادية ...........هو ده الديكور المتبكر انك تحول ابسط الاشياء للحاجات تحف ...........يعنى هنا ممكن نبسط اطفلنا بقعدة تحفة واقصادية ومتينة ونستفيد من الرفوف كتخزين للعب .....وكل ده بسعر اقتصادى وعلى فكرة ممكن نطعم القعدة ديه بوسائد شغل عربى من الخيامية هتطلع اجمل بكتير من الصورة .........وده استكمال للحلقات ايكيا بفكر جديد .........ديه افكار تفصيلية للاستخدام وحدة الرفوف المكتبية الشهيرة بنظام (kallax ikea) ويريت اى حد عنده افكار جديدة يشاركنا بيها ...........

هنا بنلاقى استخدام وحدة رفوف ايكيا كوحدة حمام فكرة عبقرية بجد ..........طبعا كلنا عارفين ان سعرها اقتصادى جدا ارخص بكتيير من محاولة تصنيع وحدة الحمام واشيك بكتير برده من الوحدات الصينية الى معظمها زجاج وقابلة للكسر بسهولة ........مين عايز زى ديه فى حمامه؟؟؟

من اجمل الاستخدمات المبتكرة للوحدة رفوف ايكيا المكتبية بيت العاب للاطفال .........الى بيفتح خيالنا اننا ممكن برده نستخدمها كنيش او دولاب فضيات لو اضافنا الاضاءة الليد ديه وهى شرائط ليد رخيصة السعر بتباع بالمتر

استخدام وحدة الرفوف كرفوف فى غرفة الملابس وده من اوفر افكار غرف الملابس واكثرهم عملية

منتجات ايكيا بفكر جديد (Ikea HACKS)

كلنا عارفين او اغلبنا عارفين محل ايكيا الى فتح جديد فى مصر طبعا اتاخرنا كتيير عن اخوتنا فى الدول العربية والعالمية وبرده للسوء ادرة هذا المحل وتعيين ناس غير محترفين بالمرة ......اظن ان منتجات ايكيا فى مصر مش واخدة حقها لا فى الفهم ولا الظهور ......وانا من خلال حلقات تابعوها معايا قررت اعرض افكار جديدة للمنتجات فى استخدام تانى خلاص مش يخطر على بالكوا ...... .....فى حلقاتنا الجايه عن ايكيا هنتناول منتجات بسيطة تقدر تستخدمها فى استخدام تانى وتعدل شكلها ببساطة وكمان هنتناول اسرار المطابخ وازاى ممكن نجيب مطبخ بسعر تحفة عملي وشيك.........تابعوا حلقاتنا عن ايكيا واي استفسار هجواب عليه فى الموقع ..........
اما حلقتنا النهاردة عن اشهر منتجات ايكيا وحدة الرفوف نظام(kallax ikea) باسعارها الرخيصة بس ممكن تتحول الى استخدامات تانية خلاص شوفوا الحلقة ومستنية اراءكوا

المنتج الاصلى من ايكيا قبل التعديل وهو مخصص للوحدات المكتبية للوضع الكتب وخلافه 

المنتج الاصلى من ايكيا قبل التعديل

بعد التعديل 

بعد التعديل

بعد التعديل

بعد التعديل

بعد التعديل

قبل ما تفكر تدهن بيتك .....طقطق ودانك واسمعنا كويس

الديكور فن جميل بس للأسف تنفيذ الفن ده محتاج عمال ذو تنقية خاصة و اغلبنا مش يقدر يوصل للمختصين من العمالة ديه علشان كده قررت أقول ليكوا على اسرار المهنة بعد حلقات كل قسم وبأما اننا خلصنا فقرة الالوان ديه نصائح مهمة لو انت عايز دهانك يطلع زى الكتالوج

النصيحة الذهبية الاولى :

لا تقع فى مطب النقاش .........ابعد عن كلام النقاش وابداعاته  وبرده بتاع محل الدهانات عن خبرة كتيرة الاثنين بينتهوا بكوارث وتنهى يا اما البيت ابيض او بيج وكل احلامك والكتالوجات الى انت اختارتها تنتهى الى الريسكل بن

يوميات النقاش فى مصر بيقول دايما يا باشا انا فنان هعملك احلى شغل ومؤثرات تحفة ولو انت لقيت عيوب وهو بيشتغل يا باشا يا هانم ده عيب المحارة ولو مش عيب المحارة الشغل كده مش ينفع انا مش اتفقت على كده والزيادة فى الفلوس تبتدى فى التمام والتاخير التمام فى التسليم والطلبات الى مش بتنهى للغاية ما تزهق وترفع الراية البيضا

اما محلات الدهانات للاسف معظم الناس فيها بائعين وبس يعنى الافضل لو انت جايب خامة اجنبى بالذات تقرأ المكتوب عليها وتدخل على الويب علشان تعرف ازي بستخدم .

ديه قواعد العمل هنا فى مصر حبيت اوعيكوا الاول علشان نعرف ننفذ الى عايزونه.

نصيحة ذهبية ثانية :

اوعى تختار الوان لعب او كارتون الالوان الصريحة الزاهية بزيادة زى الفشيا والفسفورى والاخضر الزرعى ديه مش بنتطلع حلوة ابدا لازم تكون الالوان  مش زاهية الالوان تكون هادية الا فى غرف الاطفال براحتك.

النصيحة الثالثة اكتشف الوان ديكورك من الوان فصول السنة:

كل واحد بدون ما يدرك روحه بتحب الوان معينة........انا مثلا بحب الوان الربيع جدا وشكل الورد والوانه بحس براحة لما الاقى اشجار الشوارع امتلأت ورود ملونة لما اللون البنى يبقى مع الاحمر .............الخلاصة انتوا تحبوا ايه فصل السنة الى بتحبوا خلى دايما الوانه هى الوان الديكور فى المنزل وللمزيد من الاستفادة تفاصيل الوان الفصول فى اللينك التالية:

الوان ديكورك من الوان فصول السنة

   الوان الخريف لديكور دافى وحيوى   

                                                 

       الوانك ديكورك من سحر الربيع 

    الوان الصيف للمحبين الوان الشرق  

  

         

    الوان الشتا للمحبى الالوان الهادئة        

l