صمم ديكورك بنفسك

صمم ديكورك بنفسك 

حلقات تعليم فن الديكور 

الحلقة الأولى 

الجزء الأول

للمتابعة المقالة كاملة 

https://homedecordiyideas.blogspot.com.eg/2015/09/1_3.html

حلقات تعليم فن الديكور (فيديو)

صمم ديكورك بنفسك - حلقة 1 - 

ست قواعد سحرية للالوان فى فن الديكور

الجزء الاول

للمتابعة المقالة كاملة 

https://homedecordiyideas.blogspot.com.eg/2015/09/1_3.html

صمم ديكورك بنفسك - حلقة 3- الخطوات السحرية لأختياربلاط السيراميك والحجر فى ديكور المنزل

مشاكل كتيرة بتواجهنا لما نجى نختار السيراميك تحديدا ........سواء لونه شكله ملسه ؟؟؟؟؟ بنحتار كتير ........ولما نزهق نختار المعتاد الى حد نفذه قبل كده ........ أو نختار لون حلو ومش يظبط ابدا مع الاثاث بعد كده........... طيب ايه خطوات الديكور الناجحة الى تخلى اختيارنا مضمونة النتائج ؟؟

زى ما قلت قبل كده بسطها مش تعقدها البساطة سر الجمال .........اهم قواعد الاختيار الصح للارضيات وحوائط المطابخ والحمامات والزوايا الجمالية او الحوائط  الجمالية واحنا هنتكلم الاول فى حلقتنا النهاردة عن السيراميك والبروسلين والحجر  وقواعد اختياره  :

وعلشان نعرف نختار السيراميك صح لازم نجواب على الاسئلة قبل ما نحاول نختار وبس شكل الديكور نمسك ورقة ونجاوب على الاسئلة وكده هنقلل ونحصر الاختيارات الكتيييرة الى اختيارات قليلة ومحددة :

1- اين سوف يتم تركيب البلاط و وظيفته الجمالية  ؟ بمعنى كورنر او  حائط خلفى للتليفزون مثلا ولا كابينة حمام ؟؟؟؟ ومكان تركيبها فين حائط ارضية؟

2- أهم سؤال الميزانية كام للشراء السيراميك ؟

3- معدل اهلاك البلاط بمعنى الحمامات يتم اهلاك فيها السيراميك اكتر بكتير من ارضيات الغرف مثلا ؟
4- قواعد اختيار الديكور من حيث الالوان  ؟

اهم قاعدة قبل الشرح اوعوا تقعوا فى فخ التخفيضات .......لان الارضيات والحوائط ديكور مش هتغيره كل سنة ده هيعيش سنين فمش علشان خاطر السعر ممكن نققلل من الجودة .........او نختار الوان صاخبة او موديلات قديمة نأخد وقتنا فى قرار الشراء نتفرج ونقارن ونعيد الاختيار للغاية ما نوصل للاحسن قرار من حيث الجودة والسعر.

السؤال الاول

1- اين سوف يتم تركيب البلاط و وظيفته الجمالية  ؟ بمعنى كورنر او  حائط خلفى للتليفزون مثلا ولا كابينة حمام ولا رسومات للارضية والحوائط  ؟؟؟؟ ومكان تركيبها فين حائط ارضية؟
اجابة السؤال ده هتخلينا نحدد الخامة المستخدمة بسهولة وكمان حجم البلاط المستخدم .
اول الخامات المشاع استخدامها هو خامات الحجر الطبيعى وتقليده من السيراميك للحوائط الجمالية والكورنر والاعمدة الجمالية.
قاعدة هامة الحجر الطبيعى يصلح للاستخدام الداخلى والواجهات والمداخل للعمارات والفيلات اما السيراميك فلا يتم استخدامه الا فى داخل المنزل فقط .....وبعض انواع البورسلين تصلح للخارج وتم تصنيعها بمواصفات خاصة للتحمل الظروف الجوية .

ديه مثال للاستخدام تقليد الحجرالسيراميك فى الداخل وعندنا اشكال كتيرة بقت منتشرة فى جميع ماركات السيراميك بس ملحوظة دايما اختروا بلاطة نصف مط او لامع ليسهل تنظيفها

اما هنا استخدمنا الحجر الطبيعى الميكا فى الداخل وملحوظة الميكا هى كسر الرخام الصغير وهى افضل استخداما من الطوب الفرعونى والهشم للسهولة تنظيفها ....لكن فى حالة استخدام الطوب الفرعونى او الهشم يكون مصقول وناعم للداخل ولا يتم ابدا دهانه بورنيش لانه بيفسد الحجر وشكله الجمالى

الواجهات الخارجية نستخدم بها الحجر الطبيعى والرخام ونبتعد تماما عن استخدام السيراميك فى الواجهات لانه لا يتحمل الظروف المناخية القاسية بالذات الشمس الا بعض انواع البروسلين المخصصة للاغراض الخارجية 

طيب بالنسبة لباقى الارضيات المنزل والحوائط للمطبخ والحمامات وارضياتهم لو فيهم رسومات ولو سادة ازى برده نحدد النوع والحجم ؟؟؟؟؟

قاعدة غلط الى بتقول لما تكون الشقة صغيرة نشترى بلاط مقاسه 40 او 30 سم بالعكس كل ما يكون البلاط كبير الحجم بيخلى المكان واسع .......بس ناخد بالنا ازاى بنختار حجم البلاط ونقسطه على المكان مثال لو عندى طرقة عرضها 80 سم وعايزة اختار بلاط ليها هيكون حجمه المثالى 40 سم عدد2 بلاطة لكن اختيار مثلا 60 سم هنركب واحدة وهيتبقى 20 سم غلاقة وهيكون شكله مش لطيف وكذلك لو 30 سم هيكون عدد اثنين وغلاقة 20 سم وده هدر فى البلاط الى جانب انه مش لطيف فى الديكوروممكن طبعا اربع بلاطات 20 سم بس الاختيار الاجمل هيكون بلاط 40 سم . 

هنا مثال رائع لو الارضيات سادة .....اظن المثال واضح جدا ان المكان بيبان اوسع بكتيير فى العين 

شايفين الفرق واضح جدا فى العين هنا الاصغر بيبان اصغر وده سببه المنظوز لما تكون الخطوط قريبة من بعض فى البلاطات الصغيرة العين طبيعيا لازم تشوفها اصغر بعكس الاكبر حجما

طيب سؤال مهم لو احنا عندنا رسومات فى الارضيات هنستخدم مقاسات كبيرة برده ؟؟ 

الاجابة هى فى شكل الرسم الداخلى زى البرواز نستخدم البلاط الصغير علشان الرسومات بتكون اجمل مع الاختيارات الاصغر حجما يعنى لو نفس مثال الطرقة هنستخدم هنا بلاط 20 سم .

فى الصورة هنا استخدمنا حجم البلاط الصغير لاظهار الرسمة الداخلية لو دققتوا النظز هتلاقوا اننا كان ممكن نستخدم بلاطة 40 سم بدل اربع بلاطات 20 سم بس الاجمل فى حالة الرسومات ذات البرواز المغلق  نستخدام الصغير دائما علشان الخطوط الكتير بتظهر الرسمة احسن ........طيب لو الرسمة مفتوحة على كله زى الصورة اسفلها بتكون نفس قواعد اختيار البلاط الكبير اجمل

2- أهم سؤال الميزانية كام للشراء السيراميك ؟

علشان نجاوب السؤال ده لازم الاول نحصر كميات البلاط المطلوب شرائها بدقة وبعدين نفهم ان السعر لازم نضيف عليه سعر مصنعية تركيبه وسعر خامات اللاسمنت والرمل وخلافه  وللاسف الأسعار فى مصر متفاوتة جدا يعنى مثلا :

الاحجار الطبيعية الميكا نوعين مصرى واجنبى المصرى توريد وتركيب يبدا متوسط من 160 جنيه الى 400 جنيه اما الاجنبى فيبدا توريد وتركيب من متوسط  500 جنيه الى 1000 جنيه 

اما الهشم فمتوسط تركيبه 125 جنيه والفرعونى 85 جنيه 

اما بالنسبة للسيراميك فسعر خامة السيراميك فى مصر بها تفاوت شديد ومتوسط الاسعار من 50 جنيه الى 150 جنيه بالنسبة للماركات المصرية  ومتوسط سعر المصنعية من 20 الى 30 جنيه للارضيات والحوائط 

اما بالنسبة للبروسلين فمتوسط سعره من 100 الى 200 جنيه للانواع المصرى والصينى اما الامارتى والاسبانى من 250 الى 450 جنيه  ومتوسط سعر المصنعية من 40 الى70 جنيه فى التركيب حيث تعامل بعض  الانواع مثل الرخام فى التقطيع بالصاروخ ولا يستطيع عامل السيراميك تركيبها  وقد تزيد عن هذا المتوسط جميع الاسعار السابقة فى حالة اختيار تنفيذ رسومات ديكور طبقا للشكل الرسمة وتعقيدها.

3- معدل اهلاك البلاط بمعنى الحمامات يتم اهلاك فيها السيراميك اكتر بكتير من ارضيات الغرف مثلا ؟

بالنسبة للحجر وقوة تحمله تخيله يصلح لاى مكان كان اما السيراميك والبروسلين هما الى بنتكلم عندهم فى السؤال ده ؟

طبعا كلنا عارفين اننا عندنا نوعين من السيراميك بلاط السيراميك العادى والبروسلين عندنا بس كتير بيجهل الفرق بين الاتنين من حيث التصنيع والجودة ........نبتدى بالبروسلين الاول البروسلين بيصنع من خامة اقوى من السيراميك ومش نستغرب طين ابيض ومنه نوعين لامع ومط الاقرب الى شكل الرخام الطبيعى والحجر للذلك فهو دائما اختيار رقم واحد لكن بالطبع هو اعلى فى السعر من السيراميك 

السيراميك : بيصنع من طينة تميل للاحمرار وكل ما تلاقوه البلاطة من ظهرها لونها غامق مش فاتح بتكون رديئة الصنع واول ما هتركب هتمص الاسمنت ويتغير شكله تماما والوانه هتذبل وبدون ذكر اسماء شهيرة فى السيراميك تبهرك فى الشكل وسعرها كويس لكن عندما نركب البلاط مش بيكون مبهر نهائى غير انه بيتكسر بسهولة وعندنا ثلاث درجات من اللمعة لكل من البروسلين والسيراميك  مط ونصف مط ولامع طيب السؤال الاول ايه الفرق بين الامع ونصف مط والمط من حيث المظهر والكفاءة ؟مفيش فرق فى الكفاءة ........الفرق من حيث الشكل وحالات قليلة جدا من حيث الكفاءة ........اللامع هو نفس البلاطة يضاف اليها طبقة جليز مثل الزجاج تجعلها شديدة اللمعة شبه الرخام اما المط فلا يضاف اليها الجليز ........والنصف لامع يضاف اليها نصف الكمية من الجليزطيب السؤال التانى امتى نقدر نستخدم المط ونصف المط واللامع من البلاط؟؟؟

المكان واستخدامه بيحكمنا فى اختيار البلاط .........فمثلا ارضيات المطبخ والحمام لايتم استخدام فيها غير المط ونصف مط لان اللامع سهل الانزلاق بسهولة عالية ولا يتحمل الاحتكاك فطبقة الجليز تتجرح مثل الزجاج ......... وكذلك التراس يفضل النصف مط فيه اما بلاط الحديقة فيكون من المط ويفضل يكون بروسلين مط حيث يتحمل الحرارة والرطوبة الخارجيةاما الحوائط والارضيات الداخلية فممكن نستخدم النصف لامع واللامع .

ملحوظة هامة جدا بلاط الليرز قط مش بروسلين ده سيراميك تقليد للبروسلين 

صمم ديكورك بنفسك - حلقة 2 - أسرار اختيار الألوان فى فن الديكور

الالوان مشكلة بتواجه كتيير من الناس لان بيكون فيه نوع من المغامرة عند اختيار لون الحائط او الاثاث وتزداد المشكلة وتسبب نوع من الارتباك عند اختيار الوان متناسقة مع بعض وبالذات لو ذهبنا الى محل البويات وحاولنا نختار الوان الالاف درجات الالوان بتسبب حيرة شديدة ونبقى مش عارفين نختار اى لون منهم .

اول قواعد الاختيار الصحيح وديه قاعدة عامة للديكور المنزل انك مش تحاولى تختارى غير الحاجات المتوفرة وسهلة الوصول ليها وتنفيذها .... مش عايزين نعقدها فى الاختيار ....بساطة الاختيار هو سر الجمال ...... .....
لا للتعقيد  لان العقد بتجيب عقد وتفاصيل تخرج عن السيطرة فى الاخر وتتحول للمهرجان وبلاش نظزية  انا فنان بالفطرة لان الفن مجال كبير فى التعليم وبدون خبرة وتعليم هيحصل مشكلة وهنتهى الى ذوق التوك التوك والاغانى الهابطة.

سؤالنا المهم النهاردة ازى ننسق الالوان بين التشطيب من الوان حوائط وسيراميك وبين الاثاث وازاى الاول نختار الالوان ؟؟؟؟

الاجابة عايزين تعملوا ديكور حلو يبقى لازم نلتزم بطرق اختيار الالوان  بالمدراس الفنية الى هقولكم على اسرار الوانها.......ونقدر نعمل بحث على النت  بالاسم وهنلاقى بالتات الوان جاهزة ليها ......طيب يعنى ايه بالتة اصلا ؟ بالتة معنها مجموعة الوان متناسقة سوى .... وباستخدام بالتات المدراس الفنية........هنقدر ننتغلب على اكثر صعوبة بتقابلنا فى الديكور .........درجات الالوان ...........هناخد البالتات ديه ونطبعها ونروح نختار عليها الوان الدهان والتشطيب والاثاث والاكسسوارت والستائر كل حاجة فى بيتنا ونبعد عن اراء الاستاذ النقاش والعمال وحتى اصحاب معارض الاثاث لان معظمهم بيحبوا الافتاء بدون علم .

يالا نبتدى الحلقة بس معلومة بسيطة ومهمة جدا معلومة درجات اللون الرمادى والبنى والابيض والاسود بنسميها الوان محايدة بتليق مع كل الالوان فممكن تستخدم مع اى بالتة كتطعيم

1- البالتة الاولى بالتة اللون الواحد واسمها (Monochromatic scheme): 

وهى باستخدام لون واحد بدرجاته وتفتحيه بالابيض وتغميقه بالاسود .........يعنى نختار درجة لون واحدة وبس فى كل اختيارتنا تشطيب اثاث اكسسوار ......وممكن نستخدم معها اللون البنى والرمادى بدرجاتهم كتطعيم واكيد طبعا الابيض والاسود بدرجاتهم وديه من انجح الطرق فى الديكور وابسطها وديه امثلة من الصور للاستخدام المدرسة ديه

ديه مثال لثلاث درجات الوان الاخضر الليمونى والتراكوز والاحمر الكارمن يعنى مش مهم الاسماء المهم ان الدرجة الاصلية هى الوسط وعلى اليمين والشمال التفيح بالابيض والتغميق بالاسود ........طيب حد يسألنى هو احنا هنجيب لون ابيض واسود على الدهانات طيب والاثاث ازاى؟؟؟ لا الاجابة مش هنحط لا ابيض ولا اسود على الدهانات حتى ........القصة اننا بنختار درجات لون جاهزة زى ديه بنعمل بحث باسم البالتة على النت ونضيف اسم اللون هنلاقى الالاف الدرجات على النت نختار الى نحبه ونطبعه وبعدين نختار على اساسه التشطيب والاثاث

ديه بالته للون الازرق والاخضر وتم استخدام الابيض والاسود للتفتيح والتغميق للدرجة اننا مش حاسين انهم لون كان واحد ....... وطبعا نقدر نعمل درجات اكتر من كده كتيير 

طبعا شايقين ان اللون الاساسى هنا الموف بدرجاته ودخل معنا الاسود والكريمى درجات الابيض

اللون الازرق هنا هو الاساسى وتم تفتيحه وتغميقه ......نلاحظ هنا حتى الاكسسوار لونه كحلى ونفس القواعد دخل معنا الاسود فى الفاز والبنى للترابيز ودرجات الابيض للسقف والاباجور وبعض الاثاث

مش محتاج تعليق لانه واضح جدا اللون الموف بدرجاته

اكيد الاخضر هنا بدرجاته  

طبعا اللون الكافيه بدرجاته ........طيب حد يسألنى الورد لونه والزرع مش من درجات الكافيه ....مش البالتة لا قران ولا انجيل ......ساعات بنحتاج نكسر اللون بلمسات بسيطة  وبشدد بسيطة مش كتيرة لو احنا حبيبن الطريقة ديه فى الالوان بس مش عايزين مملل اللون الواحد يبقى ممكن نكسر القاعدة ببعض الاكسسوار او اللوحات او بعض قطع الاثاث الصغيرة زى الترابيز مثلا

هنا برده رغم انها كلها درجات اللون الموف الا اننا استخدمنا اللون التراكوز فى فاز علشان نكسر شوية حدة اللون الموف 

هنا طبعا البنى المحمر بدرجاته فى التشطيب والاثاث ونلاحظ التطعيم بالبنى للاثاث والارضية الكريمى الى سبق وقولنا ان الابيض والبنى والاسود بدرجاتهم ينفعوا يدخلوا معنا عالطول مع اى مجموعة الوان 

اللون الاساسى هنا الكريمى وتم تفتحيه ومعلومة مهمة جدا اللون الكريمى والابيض بيتم تغميقهم باللون البنى او الاصفر الاكور ويعرف فى مصر بالاصفر الجملى  مش الاسود ........ وده اللون الابيض ودرجاته فقط لاغير هو الوحيد الشاذ فى التغميق

2- البالتة الثانية بالتة الانجلو (analogous scheme) : وديه بنستخدم فيها درجتين من درجات الالوان الى ست درجات  بجوار بعض فى عجلة الالوان وديه حقيقى اكتر مدرسة الوان بحبها ومش نصعبها على نفسنا الافضل فى الاختيار اتنين الى ثلاث بالكثير لان كل ما تكتر الدرجات لازم نكون محترفين علشان نعرف نوزعها فى الواقع  .....والطريقة ديه رائعة فى التنفيذ........لكن سؤال مهم هى ايه  عجلة الالوان ؟؟ ديه هنتكلم عليها فى نهاية الحلقة انا مش ابتدى بيها علشان الكلام مش يكون مملل .........

ده مثال لاستخدام درجة الاصفر الغامق والبرتقالى وطبعا ممكن نستخدم الفاتح والغامق للكل درجة

ده عجلة الالوان الى هنتكلم عليها فى اخر الحلقة وممكن نلاقى عجل الوان فيه مئات من الدرجات بس دايما نختار الابسط وهنا بنختار الدرجات الى جنب بعض فى العجلة من 2- 6 درجات الوان مختلفة وفى العجلة ديه مختارين ثلاثة لاحظوا نماذج الالوان اعلى العجلة

تحفة صح ديه اول نموذج للتطبيق البالتة رقم 2 الانجلو نلاحظ ان نظزية الالوان مطبقة على حتى مفرش السرير الى احنا اخدنا ان لازم يكون ستان وذهب حتى لو السرير مودرن .......مش ده احلى ولا ايه؟؟ 

هنا استخدم لونين الاخضر والازرق بدرجتهما ........فكرة بسيطة بس النتيجة هايلة

هنا استخدم ثلاث درجات الاصفر الليمونى والاخضر الزيتى والتراكوز بدرجات مختلفة  وطبعا ملاحظين ان استخدم معهم برده الكريمى والاسود للاباجور لانهم بيليقوا مع اى لون

هنا استخدم اربع الوان 

رغم الصورة تفتكروا انها الوان كتيرة جدا بس ابدا دولت ثلاث الوان الاخضر والبرتقالى والموف بدرجاتهم المختلفة شوفتوا اللعبة حلوة ازى 

هنا استخدم خمس الوان ........ الموف والاصفر واللبنى والازرق والبنى

لسه  عندنا 2 بالتة باقين هنشرحهم فى حلقة لاحقة ولنا عارفة ان الحوار ده صعب شوية وكنت مترددة كتير قبل ما افكر اشرحه .......بس اتمنى ان الناس تستفيد .......  للاسف خلصنا المعلومات اللذيذة  و نهى الحلقة بمعلومات بسيطة عن الالوان نفسها وقد تكون ممللة لناس كتيرة بس بدون المعلومات ديه مش هنفهم الباقى :

عايزين نرجع بالذاكرة للحصص العلوم لما اخدنا فكرة عن عجلة الالوان .......حد فاكرها كان فيها ست الوان بدرجتهم الى يعملوا الالاف الدرجات وكانوا بيقول لينا ان اللون الابيض بيتحلل قوس قزح الى ست الوان ولو لفينا العجلة بسرعة هنشوف لون ابيض ؟؟ 
  

عجلة الالوان وطبعا ممكن نلاقى عجلات فيها الالاف الدرجات للالوان

:

وانوع الالوان هفكروا بيها سريعا ....الالوان ثلاث انواع 

1- الوان اساسية وهى الاحمر والاصفر والازرق الالوان ديه مش ممكن نركبها او نخلقها ابدا وعلشان كده دايما الالوان ديه غالية بالذات فى الوان الدهان الكمبيوتر

2- الوان ثنائية وهى نتجية خلط لونين اساسين مع بعض بنسب متساوية  : الاحمر والازرق= بنفسج - الاصفر والازرق = الاخضر -  الاحمر والاصفر = برتقالى

3- الوان ثلاثية وهى نتيجة خلط الالوان الاساسية مع اللون الثانئ يعنى زى الاصفر مغ الاخضر بنسب مختلفة هيعطينا درجات كتيرة زى الاصفر المخضر 

وفى نهاية الحلقة مش ننسى نراجع حلقة الالوان الماضية لان القواعد كلها بتمشى مع بعضها 

صمم ديكورك بنفسك - حلقة 1 - ست قواعد سحرية للالوان فى فن الديكور

صمم ديكورك بنفسك - حلقة 1 - ست قواعد سحرية للالوان فى فن الديكور

عايزة أشطب شقتى ومحتارة ..........مش عارفة اختار الوان ايه .............طيب اتفرجت على فرش الشقة ولقيت الوان حلوة كتيرة فى موديلات كتيرة بس ياترى ايه الى يليق مع بعضه ؟؟؟؟؟؟؟؟؟ طيب الارضيات ولا الحمامات اختار ايه وياترى هيليق مع بعضه ؟؟؟؟؟دايما محتارين بين الالوان الاختيارات كتيرة جدا وتفاصيل اكتر ؟؟؟ علشان كده هنبتدى حلقات لتعليم فن الديكور بطرق مبسطة ........لان معظمنا مش ليه علاقة بمجال فن الديكور اوالفن  التشكيلى علشان كده مش هتكون الحلقات معقدة  ........والنهاردة اول حلقاتنا ان شاءالله هتكون عن الالوان عامة وبعدين هنتعرض فى الحلقات الجايه للتفاصيل فى اختيار السيراميك وخلافه .......خلينى اقول ليكم على شوية أسرار الاول عن الالوان فى الديكور وديه قواعد عامة هنمشى عليها لو حبيبن بيتنا يطلع زى الكتالوجات أوكيه.

ست قواعد سحرية للالوان فى الديكور

• قاعدة سحرية أولى لو حببين الغرف الصغيرة والتواليت والمطابخ  تظهر بمظهر اكبر فى المساحة ...........قاعدتنا بسيطة جدا وناجحة جدا بتقول علشان يتحقق ده لازم يكون لون الارضية ولون الحوائط  ولون السقف لون واحد من الوان فاتحة  .........ولو السجاد برده فاتح زي لون الارضية والحائط هيزيد من وسع المكان .........طيب لو الارضية غامقة زى الخشب .....ندهن الحوائط بنفس الدرجة بس الفاتح منها والفكرة العامة هنا اننا بنخلى خطوط الغرفة غير مقطوعة فى العين بمعنى تانى العين كده بتلف فى دايرة يعنى بنخدع العين  ومعنا امثلة من الصور .

قاعدة بسيطة جدا وناجحة جدا  ألوانك للحوائط والارضيات والسقف برده لون واحد  هتحصلوا على نتيجة هايلة بأبسط الأثاث

مفيش اجمل من هدوء اعصاب زى ده اسرار الديكور بسيطة بس نركز فى الالوان

اللون الاوف وايت ارضيات حوائط سجاد قاعدة ذهبية لاضافة اتساع للمكان واناقة

لون درجة الوان  ارضيات التواليت  زى درجة لون الحائط فاتحة علشان كده رغم ان التواليت صغير بس مريح جدا فى العين وديكوره هايل




طيب لو عملنا القاعدة السابقة مع الوان غامقة ايه النتيجة ؟؟؟ الالوان الغامقة للارضيات مع حوائط غامقة هتكون النتيجية ان المكان يصغر فى العين ..........بس ملحوظة مهمة السقف مع الالوان الغامقة بيكون فاتح  زى الأمثلة الى معانا من صور تالية .

اللون الغامق للارضيات مع الحوائط صغر المكان ........هو جميل لو عايزين نحس بجو من التقارب والتفاعل فى المكان 

اللون الغامق لازم نكسره بلون مشرق فاتح زى الكرسى والوسائد هنا علشان اللون الاغمق الزايدة عن الحد بيخلينا نحس بكأبة ونفور من المكان 

• قاعدة رقم اثنين .......مفيش علميا لون اسمه ابيض ناصع ولا أسود وبدون دخول فى التفاصيل لو حبينا نستخدم اللون الابيض فى دهانات الحوائط هيكون اوف وايت فاتح جدا بالذات للاسقف ..........ولو حبينا يدخل اللون الاسود معانا فى الدهان هيكون لون رمادى غامق جدا مش أسود .

• قاعدة رقم 3  الالوان بنقسمها الى قسمين الوان دافئة والوان باردة ........الالوان الدافئة بتخلى المكان فيه حرارة وحيوية وديه الوان الاحمر والاصفر ومشتقاتهم والالوان البادرة هى مجموعة الازرق والاخضر وديه بتخلى المكان اكثر هدوء ويميل الى الذبول ولازم تحددوا اى قسم انتوا بتحبوا ..........علشان ديه مجموعة الالوان الى يمشى كل ديكورك عليها سواء غامق فاتح بس طريق واحد......علشان نوحد جو الوان المكان  وده سهل جدا افتحى دولابك وشوفى اكتر ملابس انتى بتراحتى فيها وبتحبى تلبيسه وهتعرفى انتى فى اى جهة بسهولة  .

مجموعة الالوان الدافئة والالوان الباردة ونلاحظ ان الاخضر الزيتى هو لون دافىء على الرغم من أن اللون الاخضر بارد

• قاعدة رقم 4  درجة اللون الواحد  فيها ثلاث أنواع درجة مط و درجة نصف مط ودرجة لامعة  فى الدهانات والسيراميك للحوائط والارضيات   ..........القاعدة بسيطة اللون المط بيبان افتح درجتين  من اللون اللامع واللون النصف مط افتح درجة من اللامع ..................و اللون اللامع لازم نعرف أنه بيتفاعل مع الجو المحيط مع الاضاءة بيعكسها  وكل ما تزيد درجة لامعانه بيكون زى المراية  بالضبط ............اما اللون المط بيمص الاضاءة ويجعلها اكثر هدوءا ........يعنى لو المكان فيه اضاءات كتيرة نجف اسبوتات بنبعد عن دهانات الحوائط اللامعة وعن سيراميك الحوائط اللامع ونكتفى باللون المط أو نصف مط .....اما الارضيات فقاعدة عامة المط اجمل بكتير فى السيراميك والباركيه ماعدا البورسلين والرخام هما الوحيدين الاختيار اللامع  .

الصورة ديه نفس درجة اللون ....لكن الدرجة لمعان كامل فى الشمال ثم الوسط نصف لامع واليمين مط ......نلاحظ اختلاف الدرجة فى العين رغم انها نفس الدرجة

نلاحظ هنا استخدام نفس درجة اللون المط كارضية واللامع كالاستنسيل وده من اسرار الديكور للدهانات

• قاعدة عريضة رقم 5 كل القواعد الى فاتت مش هتبدئى تنفيذها الا لما تختارى الاثاث الأول ........يعنى غلطة كبيرة جدا لو بدأنا نشطب البيت قبل اختيار الأثاث .........لان ممكن نختار ألوان للتشطيب وبعدين نختار ألوان تانية للاثاث مش لايقة مع التشطيب فتكون النتيجة فستيفال فظيع وغير مرضية بالمرة.

• قاعدة أخيرة مهمة رقم6 الاضاءة الاضاءة الاضاءة ..........كتيير منا بيفرط فى الاضاءة للدرجة غير مريحة لان الاضاءة بتفاعل مع الالوان وبتغيرها فى ساعات كتييرة ..........كل ما الاضاءة تكون اهدىء وموزعة على المكان صح هنلاقى شكل الالوان تحفة .............وحاجة مهمة جدا للمحبين اضاءة النيون .........ديه اضاءة صناعية بتخلى اللالوان للديكور كان اللون عليه جير وذبلان جدا ........اجمل اضاءة الى شبهه اضاءة الشمس الاوف الوايت الاصفر الفاتح لون اشعة الشمس .....ديه بتخلى المكان روعة .........وكمان ملحوظة مهمة جدا موزعين الدهانات أذكياء للغاية معظم محلات اضاءات نيون ابيض فلما تختاورا درجة اللوت تأكدوا تماما انكم بتختاروا الدرجة فى الخارج فى ضوء الشمس .

الصورة الى اليمين لون الحائط بيان انه رمادى بدل البنى الكافيه نتيجة الاضاءة البيضاء...اما الصورة الى اليسار بتبين اللون الكافيه بنفس درجته بسبب الاضاءة الاصفر الفاتح

Pet Decor ديكور للحيوانات الأليفة

موضوع غريب هو فى ديكور للحيوانتى الأليفة ؟؟؟؟؟؟؟ طبعا .......كتير من محبى الحيوانات الأليفة بالذات القطط والكلاب بيعتبروا حيوانتهم جزء من العايلة وجزء لا يتجزء من حياتهم ....بنحب ندلعها و نعتنى بيها .......ونحس انها بتكلمنا وبتهتم بينا وبتحس بينا وبمشاعرنا وبنحس بمشاعرهم ..........لينك غريب جدا ........بس رائع .......زى الأفكار الى تشوفوها ومعنى ديكور الحيوانات يعنى ابتكار اماكن خاصة للحيوانك فى منزلك يتسلى فيها وينام ويأكل وفى نفس الوقت تبقى شيك ولايقة مع بيتنا بل وتضيف ديكور تحفة للبيت.........